ಮೂರುಸಂಜಿ ವೆಳೆ, ರವಿವಾರ ಆದ್ದರಿಂದ ಕೆಲಸಕ್ಕ ಹೋಗಿರ್ಲಿಲ್ಲ, ಒಂದೀಟ ವಿರಾಮ ಮಾಡ್ಕೊಂಡು ಚಹಾ ಕುಡ್ಕೋಂತ ಮೊಬೈಲನ್ಯಾಗ ಪೇಸ್ ಬುಕ್ ನೋಡ್ಕೊತ್ ಸಂಜೀ ಟೈಮ್ ಸುಖ ಅನುಭವಿಸ್ಕೊಂತ ಕೂತಿದ್ದೆ. ಟನ್ ಅಂತ ಪೇಸ್ ಬುಕ್ಕದಾಗ ಒಂದಮೆಸೆಜ್ ಬಂತು. ನೋಡಿ ರಿಪ್ಲೈ ಮಾಡೊಕ್ಕೂ ಮುಂಚೆನ ಅವರು ಯಾರ ಅಂತ ತಿಳ್ಕೊಳ್ಳೊದು ಚಾಳಿಯಾಗಿದ್ದರಿಂದ ಅವರ ಪೂರ್ತಿವಿವರ ನೋಡಿದಾಗ ಅವರೂ ನಮ್ಮ ಉತ್ತರ ಕರ್ನಾಟಕದವ್ರು ಅದರಾಗೂ ನಮ್ಮೂರಿನ ಮಗ್ಗಲದಾಗಿನ ಆದರ ಯಾವತ್ತೂ ಹೆಸರುಕೇಳಲಾರದ ಒಂದು ಹುಡುಗಿ ಹಾಯ್ ಅಂತ ಮೆಸೇಜ್ ಮಾಡಿದ್ಳು. ಕೂನ ಗುರ್ತ ಇಲ್ಲದವ್ರಿಗಿ ಯಾವತ್ತೂ ಫೇಸ್ ಬುಕ್ ಒಳಗ ಸಲುಗೆಕೊಡುದಿಲ್ಲ ನಾ. ಆದರೆ ನನಗ ಉತ್ತರ ಕರ್ನಾಟಕದವರು ಅಂದರಯಾರೇ ಇರ್ಲಿ ಅವರು ನಮ್ಮ ಮನೀ ಮಂದಿ ತರಾ ಅಂತ ನನ್ನಒಳ ಮನಸ್ಸು ಭಾವಿಸಿ ಬಿಡತದ. ಅದರಾಗೂ ನಮ್ಮ ಊರಿನ ಸುತ್ತ ಮುತ್ತಲಿನ ಪ್ರದೇಶದವರಿದ್ದರಂತೂ ನಡುವಯಸ್ಸಿನಹೆಣ್ಣುಮಕ್ಕಳ ಬಂಗಾರ ಕಂಡ್ಹಾಂಗ್ ಅವರ ಕಡೆ ಮನಸ್ಸು ಆಕರ್ಷಣೆ ಆಗಿ ಬಿಡ್ತದ. ಅದಕ್ಕೆ ಕಾರಣಾನೂ ಐತಿ. ಈ ಟಿನೇಜ್(ಹದಿವಯಸ್ಸು) ಅಂತಾರಲ್ಲ ಅದನ್ನ ಯಾವತ್ತೂ ಒಂದಕಡೆ ಅನುಭವಿಸಿ ಬಿಡಬೇಕು, ಒಂದೀಟ್ ಒಂದೂರಾಗ, ಇನ್ನೊಂದ ಸ್ವಲ್ಪ ಇನ್ನೊಂದೂರಾಗ ಅಂತ ಕಳದ್ರ ಜೋರ ಬಾಯಾರಿಕೆ ಆದವ್ರು ನೀರ ಕುರಿಯುವಾಗ ಅರ್ದಕ್ಕ ಕಸ್ಕೊಂಡಾಂಗ್ ಆಗ್ತದ. ನಮ್ಮಪರಿಸರದ ಸೊಗಡಿನ್ಯಾಗ ಕಳೆಯುವ ಪ್ರಮುಖ ಘಟ್ಟದಾಗ ಯಾವುದೋ ಗೊತ್ತಿಲ್ಲದ, ಕನ್ನಡಾನ ಆದರೂ ಅಪರಿಚಿತದಂತಿರುವಭಾಷಾಶೈಲಿಯ ಊರಿಗೆ ನೌಕರಿ ಹಿಡ್ಕೊಂಡ ಬಂದಬಿಟ್ಟಿದ್ದೆ. ನನಗ ಮನೆ ಎಷ್ಟ ಅಟ್ಯಾಚಮೆಂಟ್ ಇತ್ತಂದ್ರ ಶಾಲಾ ವಾರ್ಷಿಕಪ್ರವಾಸಕ್ಕೂ ಎಂದೂ ಹೊಗಲಾರದ ಮನುಷ್ಯಾ ನಾ. ಆದರೆ ಸರಕಾರಿ ನೌಕರಿ ಸಿಕ್ಕ ಕೂಡಲೆ ಮನಸ್ಸಿಲ್ಲದ ಮನಸ್ಸಿನಿಂದ ಮನೀಬಿಟ್ಟ ಒಂದ ಹೊಸಾಲೋಕಕ್ಕ ಕಾಲಿಟ್ಟಾಗ ಕಾಡಿನ್ಯಾಗಿನ ಜಿಂಕಿ ತಂದ ಸಂತ್ಯಾಗ ಕಟ್ಟಿದಾಂಗ ಆಗಿತ್ತ ನನ್ನ ಪರಿಸ್ಥಿತಿ. ಎಲ್ಲಿ ಹ್ವಾದರೂಎಲ್ಲಾರ್ನೂ ಟಕಾ ಮಕಾ ನೋಡೂದು, ಯಾರರೇ ಮಾರ್ಕೆಟನ್ಯಾಗ, ಬುಕ್ ಸ್ಟಾಲ್, ಬೆಳಗ್ಗೆ ವಾಕಿಂಗ್ ಹೋದಾಗ ಎಲ್ಲೆ ನಮ್ಮ ಕಡೆಭಾಷೆ ಮಾತಾಡಾವ್ರು ಕಂಡರ ಅಥವಾ ದನಿ ಕೇಳಿದ್ರ ಸಾಕ ಕೇಳ್ಕೊತ ನಿಂತ ಬಿಡತ್ತಿದ್ದೆ. ಕೆಲವೊಮ್ಮೆ ಅವರನ್ನು ಮಾತಾಡಿಸಿಯಾವೂರು, ಇಲ್ಲಿ ಏನ್ ಮಾಡ್ತೀರಿ, ನಾನೂ ನಿಮ್ಮ ಊರಿನ ಕಡೆಯಾಂವ ಅಂತೆಲ್ಲಾ ಮಾತಾಡಿ ಪರಿಚಯ ಮಾಡ್ಕೊತಿದ್ದೆ. ಕೆಲವೊಬ್ರು ಸರಿಯಾಗಿ ಮಾತಾಡಲ್ಲದ ತುಡುಗರನ್ನ ಕಂಡಾವ್ರ ತರಾ ಬ್ಯಾರೆ ದೃಷ್ಟಿಯಿಂದನ ನೋಡಾವ್ರು, ಇಂತ ಟೈಮನ್ಯಾಗ ಚಲೋಮಾತಾಡ್ಸಿದ್ನಿ ಇವ್ರನ್ನ ಅಂತ ಮುಜುಗರನೂ ಆಗಿ ಇನ್ನ ಯಾವತ್ತೂ ಪರಿಚಯ ಇಲ್ಲದಾವ್ರನ್ನ ಮಾತಾಡ್ಸಬಾರ್ದು ಅಂತ ಮನಸ್ಸಹೇಳಿದ್ರೂ ನಮ್ಮ ಊರಿನ ಕಡೆ ಸೆಳೆತ ಗುಲಗಂಜಿಯಷ್ಟೂ ಕಮ್ಮಿ ಆಗಿರ್ಲಿಲ್ಲ. ನಮ್ಮ ಕಡೆ ಒಂದ ಗಾದೆ ಮಾತ ಐತಿ, ತವರು ಮನೆನಾಯಿ ಸಿಕ್ಕರನೂ ಉಗುರು ಕಣ್ಣಾಗೂ ಉಮೇದಾರ ಅಂತ, ಅಷ್ಟ ಸಂತೋಷ ಉಕ್ಕಿ ಹರಿತೈತಿ.
ಇದೆಲ್ಲಾ ಹಕ್ಕಿಕತ್ ಐತಿ ಅನ್ನೋ ಕಾರಣದಿಂದಾನೋ ಎನೋ ನಾನು ತಿರುಗಿ ಹಲೋ ಅಂತ ಆ ಹುಡುಗಿಗೆ ರಿಪ್ಲೈ ಕೊಟ್ಟೆ.ನಂತರ ನನಗೂ ಸ್ವಲ್ಪ ಕುಲ್ಲಾ ಟೈಮ್ ಇದ್ದದ್ದರಿಂದಾನೋ ಏನೋ ಮಾತು “ಆರಮ್ ಅದಿರಿಲ್ಲೋ, ಏನ್ ಮಾಡ್ಕೊಂಡದಿರಿ, ಏನೇನ್ಓದ್ತೀರಿ, ಹವ್ಯಾಸಗಳು ಯ್ಯಾವ್ಯಾವ” ಹಿಂತಾವ ಸುಮ್ನ ಕಾಲಿ ಪುಕ್ಕಟ ಮಾತೆಲ್ಲಾ ಮುಗ್ಸುವಾಗ 2 ಗಂಟೆಕ್ಕ ಹೆಚ್ಚ ಚಾಟಿಂಗ್ಮಾಡಿದ್ದಗೊತ್ತ ಆಗಿರಲಿಲ್ಲ. ಆದರೆ ಮುಂದಿಂದ ಒಂದು ಮೆಸೆಜ್ ನನಗೆ ಭಾರಿ ಕುತುಹಲ ಹುಟ್ಟಿಸಿತ್ತು. ಅಕಿ “ಹುಡ್ಗಾ ಹುಡ್ಗಿ ಬಾಳಕ್ಲೋಸ್ ಆದಮ್ಯಾಲ ಹೇಳುವ ಮಾತ ಯಾವ್ದ?” ಅಂತ ಮೆಸೇಜ್ ಕಳ್ಸಿದ್ಲು. ಆವಾಗ ನಾ ಒಂದ ಸ್ವಲ್ಪ ಕಾಮಿಡಿಯಾಗ್ಲಿ ಅಂತಅನ್ಕೊಂಡು “ಐ ಲವ್ ಯೂ ಅಂತಾರೆನೋ” ಅಂತ ರಿಪ್ಲೈ ಮಾಡಿ ಅಕಿ ಮುಂದ ಏನ್ ಹೇಳ್ತಾಪಾ ಅಂತ ಮೆಸೆಜ್ ಗೆ ಕಾಯ್ಕೋತ್ಕುಂತಾಗನನಗಒಂದ ಶಾಕ್ ಆಗಿದ್ದು ಅಕಿ “ಸೇಮ್ ಟು ಯೂ” ಮೆಸೇಜ್ ಕಳ್ಸಿ ಬಿಟ್ಟಾಗ. ಆವಾಗ ನಾ ಯಾಕ್ರಿ ಸೇಮ್ ಟೂ ಯೂಅಂತ ಹೇಳಿದ್ರಿ ಅಂತ ಹೇಳಿದಾಗ ಅಕಿ ನೀವ ಐ ಲವ್ ಯೂ ಅಂತ ಹೇಳಿದ್ರಲಾ ಅದಕ್ಕ ಅಂದ್ಲು.ನನಗ ಹೊಟ್ಟಿ ತೊಳಿಸಿದಂಗಾಗಿನಾಯಾವಾಗ್ರಿ ಹೇಳ್ದೆ, ನೀವ್ ಕೆಳಿದ್ದಕ್ಕ ನಗಿಚ್ಯಾಟಕಿ ಮಾಡ್ಯೇನಿ ಅಷ್ಟ, ಅಂತ ಮೆಸೇಜ್ ಮಾಡಿ ತೆಲಿಮ್ಯಾಲ್ ಕೈ ಹೊತ್ಕೊಂಡ್ಕುಂತೆ.
ಈ ಶಾಕ್ ನಿಂದ ಇನ್ನೂ ಸುದಾರಣೆ ಕಂಡಿರ್ಲಿಲ್ಲ ಆವಾಗ ಅಕಿದ ಮೆಸೆಂಜರ್ ನಲ್ಲಿ ಕಾಲ್ ಬಂತು. ಇದೊಳ್ಳೆ ಕಥೆಆಯ್ತಲ್ಲಪಾ ನಾ ಯಾರ ಹಸರ ತಪ್ಪಲಮ್ಯಾಲ ಕಾಲ ಇಟ್ಟಾಂವ ಅಲ್ಲ ನನಗ ಯಾಕ ಈ ವ್ಯಾಳೆ ಬಂತಪಾ ಅಂತ ಕಟ್ ಮಾಡಿದರೂಮತ್ತೊಮ್ಮೆ ಕಾಲ್ ಮಾಡಿದ್ಲು, ಇದಬಿಡೂ ಕರ್ಮ ಅಲ್ಲ ಅಂತೇಳಿ ರಿಸಿವ್ ಮಾಡಿ ಏನವಾ ಯಾಕ ಕಾಲ್ ಮಾಡಿದಿ? ಅಂತ ಹೇಳಿದಾಗಮತ್ತ ಅಷ್ಟೊತ್ತು ಮೆಸೇಜ್ ನಲ್ಲಿ ಮಾತಾಡಿದ್ದ ಮಾತಕೇಳಾಕ್ ಸುರು ಮಾಡಿದ್ಲು, ಅಷ್ಟರಾಗ ನಾ ಇದನ್ನ ಇಲ್ಲಿಗೆ ಮುಗಿಸಬೇಕೆಂತ “ನನಗೆ ಕೆಲಸ ಐತ್ರಿಮತ್ತ ಯಾವಾಗರೆ ಮಾತಾಡ್ತೀನಿ ಇವಾಗ ಇಡ್ತನ್ರಿ ಇನ್ನ” ಅಂದಾಗ ಮೂರಗುಂಡಿಗಿ ಇದ್ದಾವ್ರಿಗೂ ಎದೀನಡುಗಿಸುವಂತಾ ಮಾತು ಕಾದಿತ್ತು. “ ಏನ್ರಿ ನೀವ, ಮದುವಿ ಆಗೂ ಹುಡ್ಗಿ ಜೋಡಿ ಮಾತಾಡುಕ್ಕಿಂತಾ ಬ್ಯಾರೆ ಕೆಲ್ಸಾ ಐತಿ ನಿಮ್ಗ,ಅದೂ ಇಷ್ಟೊತ್ನ್ಯಾಗ?” ಅಂತ ಗಂಭೀರವಾದ ದನಿಯೊಳಗ ಹೆಳಿದಾಗ ತಲೆ ಸುತ್ತು ಬರೋದೊಂದ ಬಾಕಿ ಇತ್ತು.ನಾ ಏನ್ ಹಿಂದಿನಜನ್ಮದಾಗ ಏನ್ ಪಾಪ ಮಾಡ್ನೋ ಎನೋ ಅದ ಪೇಸ್ ಬುಕ್ ರೂಪದಾಗ ಬಂದ ನನ್ ಕಾಡಾತೇತಿ ಅಂತ ಪೋನ್ ಕಟ್ ಮಾಡಿದೆ.
ಮತ್ತೊಮ್ಮಿ ಕಾಲ್ ಬಂತಪಾ, ಆವಾಗ ನನ್ನ ಸಂಯಮ ಅನ್ನೂದು ಕಟ್ಟಿ ಒಡೆದಿತ್ತು. “ಅಲ್ರಿ ಮೇಡಮ್ ನಾನ್ ಯಾವಾಗನಿಮ್ಮನ್ನ ಮದವಿ ಆಗ್ತಿನಂತ ಹೇಳೆನಿ, ನಿಮ್ಮ ಜೋಡಿ ಮಾತಾಡಿದ್ದ ತಪ್ಪ ಆತೇನು, ಕೈಯಾಗ ಬೇರ ಕೊಟ್ರ ಇಡೀ ಗಿಡಾನ ನಿಂದಅಂತಿಯಲ್ಲವಾ, ನನ್ನ ಪಾಡಿಗೆ ನನ್ನ ಬಿಟ್ಟಬಿಡ ಯವ್ವಾ ನನ್ನ ಎಂಗೇಜ್ ಮೆಂಟ್ ಆಗೇತಿ ನನ್ನಮ್ಯಾಲ ತಪಾ ತಕ್ಕೊಂಡ ಒಂದು ಹೆಣ್ಣಊರಾಗ ಕುಂತಾಳು ಅಕಿಗಿ ಎಲ್ಲರೇ ಇದ ಗೊತ್ತ ಆದ್ರ ಜಿಂವಾನ ಬಿಡ್ತಾಳು” ಅಂತ ಎಂಗೇಜ್ ಮೆಂಟ್ ಆಗೇತಿ ಅಂತ ಸುಳ್ಳ ಸುಳ್ಳಹೇಳಿ ಸಾಗ ಹಾಕೋಕೆ ನೋಡಿದಾಗ, ಅಕಿಅಳಾಕ್ ಚಾಲು ಮಾಡಿದಳು. ನನಗೆ ಮೊದಲ ದುಃಖದಾಗ ಇರಾರ್ವರನ್ನ ಸಮಾದಾನಮಾಡಾಕ ಬರುದಿಲ್ಲ. ಅದರಾಗ ಒಂದು ಹೆಣ್ಣು ಮಗಳ ಅಳಾಕ ಹತ್ಯಾಳು ಹಂತದ್ರಾಗ ಏನ್ ಮಾಡುದಪಾ, ಯಪ್ಪಾ ಸಿದ್ದಾರೂಢನನಗೆ ಯಾಕೆ ಮತ್ತ ಮತ್ತ ಪರಿಕ್ಷೆ ಮಾಡ್ತೀಪಾ ನನ್ನ ಇದರಾಗಿಂದ ಪಾರಮಾಡು ನಿಗ ಜೋಡ ಕಾಯಿ ಒಡೀತಿನಿ ಅಂತ ಅಲ್ಲೇದೇವರಿಗೆ ಒಂದು ವೈಯರ್ ಲೆಸ್ ಸಂದೇಶ ಕಳಿಸಿ ಅಕಿಏನ ಹೇಳ್ತಾಳ ಅಂತ ಕಾಯುವಾಗ, ಜಲಪಾತದಿಂದ ದುಮ್ಮಿಕ್ಕಿ ಬಂದ ನೀರುವಿಶಾಲ ನೆಲದಾಗ ಹರಿಯುವಂಗ ಅಳುವ ವ್ಯಲಾಸಿಟಿಯನ್ನ ಕಮ್ಮಿ ಮಾಡಿ ಸಮಾದಾನಮಾಡ್ಕೊಂಡು ನೀವು ನನಗ ಮೋಸಾಮಾಡಾತೇರಿ, ನೀವು ನನ್ನ ಮದುವಿ ಆಗುದಿಲ್ಲ ಅಂತಿದ್ರ ನನ್ನ ಜೋಡಿ ಯಾಕ್ ಚಾಟಿಂಗ್ ಮಾಡಾಕ್ ಹೋಗ್ತಿದ್ರಿ, ನನಗ ಐ ಲವ್ಯೂ ಅಂತ ಯಾಕ್ ಹೇಳ್ತಿದ್ರಿ? ನಾ ಪೋಟೋ ಹಾಕಿದ್ದಕ್ಕ ಯಾಕ್ ನೈಸ್, ಕ್ಯೂಟ್ ಅಂತ ಕಾಮೆಂಟ್ ಮಾಡಿದ್ರಿ, ನನಗ ತುಂಬಾಬೇಜಾರ್ ಆಗೇದರಿ, ಅಂತೇಳಿ ಒಂದ ಉಸ್ರನ್ಯಾಗ ಬೈಯಾಕ್ ಚಾಲೂ ಮಾಡಿದ್ಲು, ಈ ಜಗತ್ತ ಹಿಂಗ್ ಬರೇ ಮೋಸಗಾರರತುಂಬ್ಯಾರು, ನಾ ಮಳ್ಳ ಅದನಿ, ಸುಲಭವಾಗಿ ಮೋಸ ಹೊಕ್ಕೀನಿ ಎಲ್ಲಾರಿಗೂ, ಅಂತ ಇನ್ನೂ ಏನೇನೋ ಮಾತ ಹೇಳುವಾಗ ಬೆವರಬಂದ ಹಾಕಿದ್ದ ಬಟ್ಟೆಯೆಲ್ಲ ಮೈಗಿ ಅಂಟಕೊಂಡ ಬಿಟ್ಟೂ.
ನಾ ಅರ್ದಕ್ಕ ತಡೆದು ಯವ್ವಾ ನೀನ ನಿನ್ನ ಸುತ್ತ ಭ್ರಮಾ ಲೋಕ ಹೆಣೆದುಕೊಂಡು ಅದು ತನ್ನಿಂದ ತಾನ ಕಳಚಿ ಬಿದ್ದಾಗಯಾರೋ ಕೆಡುವಿದ್ರು ಅಂತೇಳಿ ಯಾಕ್ ಅಳ್ಳಾತೇದಿ, ಭ್ರಮಾ ಲೋಕದಿಂದ ಹೊರಗ ಬಾ ಮದುವೇ ಅಂದ್ರ ಅದನ್ನ ಇಷ್ಟ ಸಿಲ್ಲಿಯಾಗಿತಗೋ ಬ್ಯಾಡ, ನಮ್ಮಪರಂಪರೆಯಾಗಲಿ, ಸಮಾಜ ಆಗ್ಲಿ ಅದರಲ್ಲೂ ನಮ್ಮ ಕಾನೂನು ಆಗ್ಲಿ ಅದಕ್ಕ ದೊಡ್ಡ ಕಿಮ್ಮತ್ ಕೊಟ್ಟಾವ, ನೀಯಾರ ಅಂತ ನನಗ ಪೂರ್ತಿ ಗೊತ್ತಿಲ್ಲ. ನಿನ್ನ ನಾ ನೋಡಿಲ್ಲ ಸೈತ್, ಹಂಗ ಇದ್ದಾಗ ಎರಡ ತಾಸ ನನ್ನ ಜೋಡಿ ಚಾಟ್ ಮಾಡಿ ನಾಯಾರ ಅಂತ ತಿಳ್ಕೊಳ್ಳದನ ನನ್ ಜೋಡಿ ಜೀವನ ಪೂರ್ತಿ ಇರಬೇಕ ಅಂತಿಯಲ್ಲ? ಹಂಗೆಲ್ಲ ಅದನ್ನ ಹಗುರವಾಗಿ ತಗೋಬ್ಯಾಡ,ನೀನಂತೂ ತಗೊಂಡ್ರೂ ನನಗ ನಂದ ಆದಂತ ಕೆಲವೊಂದ ಆಸೆ ಕನಸುಗಳು ಅದಾವ, ವಾಸ್ತವವಾಗಿ ಬದುಕಾಕ ಕಲೀ ಅಂತೇಳಿಹೆಂಗೋ ಸಮಾದಾನ ಮಾಡಿ ಚಾಟಿಂಗ್ ಮುಗಿಸಿದೆ. ಎಲ್ಲಾ ಮುಗಿದು ಮಲ್ಕೊಳ್ಳೊನು ಅಂತ ತಯಾರಾದಾಗ ಮತ್ತೊಂದುಮೆಸೇಜ್ ಬಂತಪಾ “ನೀ ಇಲ್ಲದ ನಾ ಬದುಕುದಿಲ್ಲ” ಅಂತ, ನನಗ ಖರೇನ ಕೈಕಾಲ್ ತಣ್ಣಗಾಗಿದ್ದು ಆವಾಗ. ಹ್ಯಾಂಗ್
No comments:
Post a Comment